TOShKENT, 22 apr — Sputnik. Bahodir Jalolov birinchi raunddayoq raqibini texnik nokautga uchratdi.
Rossiya Federatsiyasining Sankt-Peterburg shahrida boks bo‘yicha "Gubernator kubogi" xalqaro turniri o‘tkazilmoqda.
Kecha o‘zbekistonlik og‘ir vaznli bokschi Bahodir Jalolov rossiyalik Artom Fodorovga qarshi ringga tushdi. Jang muddatidan oldin yakunlandi.
Jalolov 1-raundning o‘zida mezbon bokschini 2 bor nokdaun holatiga tushirgach, Fodorovning murabbiylari ringga oq sochiq tashlashdi.