TOShKENT, 20 apr – Sputnik. Yaponiya ichida agressiv tashqi siyosat tarafdori bo‘lgan kuchlar AQSh tomonidan boshqarilmoqda. Ushbu kuchlar tomonidan targ‘ib etilayotgan siyosiy nuqtayi nazarlar Osiyo-Tinch okeani hududida barqarorlik bo‘lishiga xalal bermoqda, dedi Rossiya Tashqi razvedka xizmati direktori Sergey Narishkin Moskvada bo‘lib o‘tgan davra suhbatida.
Yaponiya harbiy jinoyatchilari ustidan bo‘lib o‘tgan Tokio sudining 75-yilligiga bag‘ishlangan anjumanda Narishkin Yaponiya militarizmi asosida kunchiqar mamlakati madaniyati va an’analari emas, balkim AQSh tomonidan o‘tkazilgan bosim sabab bo‘lgan. Yapon xalqining o‘zi esa “nozik tabiat va marhamatli”.
“Afsuski, rasmiy Tokio hozirga qadar Ikkinchi jahon urushi yillarida militaristlar tomonidan sodir etilgan jinoyatlar uchun sidqidildan pushaymon qilgani yo‘q”, dedi Narishkin.
“Yaponiyada haliyam mamlakatning Urushdan so‘nggi yillarda tinchlik yo‘lidan borayotganidan norozi kuchlar bor. O‘z o‘tmishidan xulosa chiqara olmagan ayrim guruhlar yana AQSh ko‘magi ostida agressiv tashqi siyosat o‘tkazishga undamoqda. Bu albatta Osiyo-Tinch okeani hududida barqarorlik o‘rnatilishiga xizmat qilmaydi, - dedi Tashqi razvedka xizmati direktori. - Yaxshiyamki Yaponiyada ulardan boshqa, oqilona ovozlar ham bor”.
Eslatib o‘tamiz, bir necha kun oldin Yaponiya va AQSh Tayvan bo‘g‘ozida tinchlik tarafdori ekanliklari haqida birgalikda bayonot e’lon qilgan edilar. Shuningdek, AQSh Yaponiyani barcha mavjud vositalar yordamida, jumladan yadroviy qurol bilan ham himoya qilishga tayyor ekanini ma’lum qilgan edi.