TOShKENT, 18 apr — Sputnik. Odam savdosi bilan shug‘ullanayotgan Sirdaryo viloyati Gulistonda shahrida yashovchi shaxs qo‘lga olindi. Bu haqda viloyat IIB matbuot xizmati xabar qildi.
Ma’lum qilinishicha, 17-aprel kuni huquqni muhofaza qiluvchi organ xodimlari odam savdosi jinoyati yuzasidan tadbir o‘tkazgan. Unda 38 yoshli gulistonlik erkak D.T. qo‘lga olingan.
Erkak 29 yoshli Qoraqalpog‘iston Respublikasida tug‘ilgan, turmushga chiqmagan fuqaro N.Kni “Spark” mashinasiga Toshkent shahridagi xalqaro aeroportiga oltb ketayotgan bo‘lgan. Erkak u yerdan qizni Antaliya shahriga fohishalik bilan shug‘ullanish uchun jo‘natmoqchi bo‘lgan.
Holat yuzasidan tergovga qadar surishtiruv ishlari olib borilmoqda.