TOShKENT, 16 apr - Sputnik. O‘zbekistonda eng korrupsiyalashgan muassasalar sanab o‘tildi. Birinchi o‘rinda Sog‘liqni saqlash vazirligi.
Bu haqida 15-aprel kuni AOKAda bo‘lib o‘tgan matbuot anjumanida Korrupsiyaga qarshi kurashish agentligi mas’ul xodimi Bekzod Rahmonov javob berdi.
"Bugungi kunda korrupsion holatlar ko‘p qayd etilishi jihatidan eng yuqori o‘rinlarda quyidagi tashkilotlar:
Sog‘liqni saqlash vazirligi:
Oliy va o‘rta maxsus ta’lim vazirligi:
Qurilish vazirligi turadi.
Ushbu natija 2020-yilda to‘plangan statistik ma’lumotlarga asosan, sodir etilgan korrupsiyaviy harakatlar tahlili asosida shakllantirilgan.
Ayni damda ushbu uchta vazirlikni korrupsiyadan xoli idoraga aylantirish bo‘yicha keng ko‘lamli ishlar amalga oshirilmoqda, - dedi Korrupsiyaga qarshi kurashish agentligi mas’ul xodimi.