TOShKENT, 12 apr — Sputnik. O‘zbekiston Oliy Majlisi Senati raisi Tanzila Norboyeva boshchiligidagi delegatsiya Rossiyaga tashrif buyuradi.
Senat matbuot xizmati xabariga ko‘ra, tashrif 13-16 aprel kunlari amalga oshiriladi.
Tashrif davomida Norboyeva Moskva shahrida Rossiya Federatsiya Kengashi raisi Valentina Matviyenko va Davlat Dumasi spikeri Vacheslav Volodin bilan uchrashadi.
15-16 aprel kunlari delegatsiya a’zolari Sankt-Peterburg shahrida bo‘ladi. U yerda MDH Parlamentlararo assambleyasining navbatdagi yig‘ilishida ishtirok etish rejalashtirilgan.