TOShKENT, 7 apr — Sputnik. YeOIIga a’zo davlatlari 2021-yilda o‘zlarini qishloq xo‘jaligi mahsulotlarining asosiy turlari va oziq-ovqat bilan 97 foizdan ortiqroqqa ta’minlay olishadi. Bu haqda YeOII (YeIK) Sanoat va agrosanoat majmuasi hay’ati a’zosi (vazir) Artak Kamalyan O‘zbekiston parlamenti va hukumati "Narodnoe Slovo" gazetasiga bergan intervusida aytdi.
"Prognozlarimizga ko‘ra, 2021-yilda deyarli barcha oziq-ovqat mahsulotlari (YeOIIda. - tahr.) o‘zini o‘zi ta’minlash darajasi 97 foizdan oshishi kutilmoqda", - dedi Kamalyan.
Bugungi kunda, ittifoq hududida ushbu daraja 93,1 foizni tashkil etadi.
YeIK vakilining ta’kidlashicha, YeOII davlatlari don, shakar, o‘simlik moyi, qo‘y go‘shti, tuxum va kartoshka kabi mahsulotlar ishlab chiqarish orqali o‘zlarini to‘liq ta’minlaydi.
"Istisno mevalar, ular 43 foizni tashkil qiladi, katta hajmlarda import qilinadi, shu jumladan, O‘zbekistondan ham meva mahsulotlar profitsiti har yili bir million tonnani tashkil qiladi", - dedi Kamalyan.
YeOII barqaror oziq-ovqat tizimlarini yaratish va fors-major holatlarida oziq-ovqat xavfsizligini ta’minlash bo‘yicha turli mexanizmlar ustida ishlamoqda.