TOShKENT, 1 apr — Sputnik. AQSh prezidenti Jo Bayden samolyotga ko‘tarilayotib, yana qoqilib ketdi. “The Hill” nashri bu aks etgan videoni Twitter᾽ga joyladi.
Lavhada Bayden yomg‘irli ob-havo sharoitida qanday trap bo‘ylab ko‘tarilayotgani tasvirlangan. Uning qo‘lida sumka va soyabon bor. Samolyotga chiqayotgan AQSh yetakchisi zinalardan birida qoqilib ketadi, lekin oyoqda turib, ko‘tarilishda davom etadi.
19 mart kuni Bayden Jorjiya shtatiga uchib ketish oldidan ham bir necha marta qoqilib, yiqilgan edi. Oq uy siyosatchining yiqilishini kuchli shamolga yo‘ygan edi.