TOShKENT, 1 apr — Sputnik. Fransiyada to‘rt haftaga umummilliy lokdaun joriy etiladi. 3-apreldan bungacha 19 ta departamentda amal qilgan karantin Fransiyaning butun hududi bo‘ylab amal qiladi. Bu haqda prezident Emmanuel Makron millatga yo‘llagan telemurojaatida ma’lum qildi.
Fransiya rahbarining so‘zlariga ko‘ra, bunga mamlakat bo‘ylab katta tezlikda tarqalayotgan koronavirusning britancha shtammi sabab bo‘lgan.
Butun mamlakat bo‘ylab soat 19:00 dan komendantlik soati kiritiladi, barcha xodimlar masofaviy ish rejimiga o‘tishi zarur. Shuningdek, bolalar bog‘chasi, maktab va oliygohlar yopiladi.
Butun hududlar bo‘ylab birinchi ehtiyojdagi buyumlar do‘konlaridan tashqari barcha do‘konlar yopiladi. Biroq kitob do‘konlari, sartaroshxonalar, uy jihozlari do‘konlariga ishlashga ruxsat beriladi.
Shuningdek, Turar joyidan zaruratsiz 10 kmdan ko‘proqqa uzoqlashish taqiqlanadi. Pasxa bayramida bu mustasno.
Fransiyada epidemiya boshlangan buyon 4,5 milliondan ziyod kishi koronavirus bilan kasallangan, 95 mingdan ziyod kishi qurbon bo‘lgan.
Eslatib o‘tamiz, avvalroq Turkiyada dam olish kunlari yana komendantlik soati kiritilishi xabar qilingan edi.