TOShKENT, 18 mar - Sputnik. Bugun erta tongdan Buxoro tarixiy markazida "Bahorgi turistik mavsum" festivaliga start berildi.
Festival doirasida “Labi Hovuz” majmuasidan “Ark” qo‘rg‘onigacha bo‘lgan masofada “Turizm paradi” sayli bo‘lib o‘tdi.
Ma’umot uchun, O‘zbekiston Turizmni rivojlantirish qo‘mitasi tomonidan tashkil qilingan "Bahorgi turistik mavsum" tadbiri Toshketdagi "Navro‘z" etno-bog‘ida 15-mart kuni bo‘lib o‘tgan edi.
Tadbir dasturida qiziqarli namoyishlar, milliy cholg‘u ansambli ijrosidagi kuy-qo‘shiqlar, estrada qo‘shiqchilarining chiqishlari, havo sharlarining parvozi, viktorina o‘yinlari o‘rin olgan.