TOShKENT, 16 mar — Sputnik. Malayziyada Xudoni belgilash maqsadida Alloh so‘zidan foydalanish haqqoniyligi sud darajasida hal etilmoqda, deb xabar bermoqda AFP.
Bu nom Malayziya hududida qadim asrlardan buyon yagona Xudoni anglatib kelgan, ammo 1986-yildan qonunan g‘ayridinlarga ta’qiqlangan edi.
O‘tgan haftada Kuala Lumpur Oliy sudi nasroniylar maqolalarda “Alloh” so‘zini ishlatishlari mumkin, degan hukmni e’lon qildi.
Sudyaga ko‘ra, ushbu ta’qiq nokonstitutsiyaviy, nega deganda, Malayziya konstitutsiyasi din erkinligini kafolatlaydi.
Ammo, 15-mart, dushanba kuni, hukumat appelyatsion sudga shikoyat kiritgan va ushbu ta’qiq dinlarni aralashtirmaslik va musulmonlarni boshqa din vakillari bilan muloqotda chalg‘itmaslik uchun, shuningdek, diniy adabiyot uchun qoidalarni shakllantirishga mo‘ljallanganini ta’kidladi.
Vaziyat shu bilan murakkablashmoqdaki, “Alloh” so‘zidan malay tilida yagona Xudoni belgilash uchun nafaqat musulmonlar, balki nasroniylarning aksariyati va boshqa konfessiyalar vakillari ham foydalanib kelishadi.
Xristianlar ushbu ta’qiq o‘zini oqlamasligini, bu bilan ularning erkinliklariga rahna solinayotganini ta’kidlashmoqda.
Xrinstianlar obshinasida ushbu so‘z arab tilidan olinganligini va u “Xudo” sifatida tarjima qilinishini, atoqli otni bildirmasligini qayd etishmoqda.