TOShKENT, 13 mar — Sputnik. O‘zbekiston Qirg‘iziston tomoniga chegara oldi tumanlari aholisi munosabatlarida bahs va ziddiyatlar predmeti bo‘lib kelayotgan unqur-tog‘ hududini berishga tayyor.
Bu haqda QR prezidenti matbuot-kotibi Galina Bayterekning Sadir Japarovning O‘zbekiston Respublikasiga davlat tashrifi yakunlariga bag‘ishlangan izohida ma’lum qilingan.
"Qirg‘iziston tomoni O‘zbekistonning Qirg‘iziston hududida joylashgan So‘x anklaviga transport va avia-qatnovlarni ochishga tayyor. Anklav aholisi davlat chegarasi orqali erkin harakatlanishlari mumkin. O‘z navbatida O‘zbekiston tomoni Qirg‘izistonga, shu vaqtga qadar chegara oldida yashovchi aholi o‘rtasida bahs va siyosiy ziddiylashuv predmeti bo‘lib kelgan Unqur tog‘ hududiga da’vogarlik qilmaslikka tayyorligini bildirgan", - deyiladi xabarda.
Qirg‘iz-o‘zbek davlat chegarasi delimitatsiya va demarkatsiya masalalarida ikkala tomon ham ushbu ishni yaqin uch oy ichida yakunlash lozim degan fikrga keldilar.
"Davlat chegarasini yuridik rasmiylashtirishni yakunlanishi chegara oldi hududlarida stabillikni mustahkamlaydi va ikkiyoqlama munosabatlar rivojiga yangi impuls beradi", - deyiladi xabarda.
Hozirga qadar ma’lumi, yaqin orada davlat chegarasida yettita nazorat-o‘tkazuv punktlari o‘z faoliyatini qayta tiklaydi. O‘zbekiston tomoni yuk oqimi masalasini hal eti shva zarurat tug‘ilganida hujjatlarni skanerlash uchun tegishli texnikani taqdim etish va’dasini bergan.
Bayterekning qo‘shimcha qilishicha, davlat chegarasini delimitatsiya qilish bo‘yicha boshqa bahsli masalalar maxsus komissiya tomonidan hal etiladi.
Eslatib o‘tamiz, 2016-yilning avgust oyi o‘rtalarida Jalolobod viloyatining O‘rta-To‘qay suv ombori yaqinida O‘zbekiston Respublikasi ichki ishlar organi xodimi qo‘lga olingan.
Bunga javoban O‘zbekiston tomoni huquqni muhofaza qilish xodimlari qirg‘iz-o‘zbek chegarasining o‘zaro kelishilmagan Unqur tog‘ uchastkasi(Qirg‘iziston tomoni)da vertolotdan tushib qolishgan va televishkaning to‘rt xodimini qo‘lga olishgan.
O‘zbekiston ikkita talabni ilgari surgan — qo‘lga olingan ichki ishlar organi xodimini qo‘yib yuborilishini va O‘rta-To‘qay suv ombori atrofidagi postlarni olib tashlashni.
Kuch tuzilmasi xodimi jarimaga tortilgan va 23-avgust kuni, Qirg‘iziston fuqarolari esa 9-sentabrda qo‘yib yuborilgan.