TOShKENT, 11 mar — Sputnik. Joriy yilning 1-aprelidan ayrim yoshlar “Vatanparvar” tashkilotining o‘quv muassasalarida “VS” toifali haydovchilarni tayyorlash bo‘yicha bepul o‘qishlari mumkin. Bu haqda tashkilot va O‘zbekiston yoshlar ishlari agentligi rahbarlarining respublika yoshlariga qo‘shma murojaatnomasi tadbirida ma’lum qilindi.
Qayd etilishicha, Yoshlar ishlari agentligi va “Vatanparvar” tashkilotlari o‘rtasida yoshlar masalalari sohasida o‘zaro hamkorlik to‘g‘risida memorandum imzolangan.
Unga ko‘ra, “Temir daftar” va “Yoshlar daftari”ga kiritilgan muhtoj oilalar farzandlarini “Vatanparvar” tashkilotining o‘quv muassasalarida “VS” toifali haydovchilarni tayyorlash bo‘yicha bepul o‘qitilishi yo‘lga qo‘yiladi.