TOShKENT, 3 mar — Sputnik. Yevroosiyo iqtisodiy komissiyasi (YeIK) YeOIIga a’zo-davlatlari hududiga COVID-19'ga IgG antitanachalar borligi haqida ma’lumotnoma yoki PSR-test salbiy natija bilan fuqarolarni kirishga ruxsat berishni taklif qildi. Bu haqda avia-yo‘lovchi tashishlarni qayta tiklash bo‘yicha profilaktika chora-tadbirlar uslubiy qo‘llanma loyihasida aytilgan.
"Havo kemasida xorijdan kelgan shaxslar, YeOII a’zo-davlat qonunchiligi bilan belgilangan shaxslardan tashqari, antitanachalarga laboratoriya tekshiruvidan ijobiy natija bilan o‘tgan IgG ma’lumotnomasini taqdim etishi zarur", - deyilgan loyihada.
Hujjatda yozilishicha, YeOII hududiga kirish uchun ittifoq fuqarolari COVID-19ga PSR-uslubida laboratoriya tekshiruvi, salbiy natija qayd etilgan test-ma’lumotnomani ham (davlat chegarasini kesib o‘tishdan 72 soat oldin olingan bo‘lishi kerak) taqdim etishlari mumkin.
Agar YeOII davlatlariga kelayotgan shaxslar tegishli hujjatlarga ega bo‘lmasa, ular testdan o‘tish uchun yuboriladi, natija olingunga qadar, fuqarolar o‘zini-o‘zi yakkalash rejimiga rioya qilishlari shart.
Shu paytda, ma’lumotnoma mavjudligiga qaramay, nafas olish infeksiyalari asoratlari bo‘lgan kishilar, COVID-19 uchun test natijalarini olingunga qadar shifoxonaga yotqizilishi mumkin.