TOShKENT, 2 mar — Sputnik. “Uzbekistan Airways” aviakompaniyasi Farg‘ona va Urganchdan Turkiyaning Istanbulga shahriga yangi muntazam qatnovni yo‘lga qo‘yadi. Bu haqda kompaniya matbuot xizmati xabar qilmoqda.
Urganchdan parvozlar 28-martdan (haftada bir marta yakshanba kunlari), Farg‘onadan esa 3-apreldan (haftada ikki marta chorshanba va shanba kunlari) amalga oshiriladi.
Farg‘ona – Istanbul uchish vaqti 08:50, qo‘nish - 12:30
Istanbul – Farg‘ona uchish vaqti 14:00, qo‘nish - 20:50
Urganch - Istanbul uchish vaqti 09:30, qo‘nish - 11:50
Istanbul - Urganch uchish vaqti 13:20, qo‘nish - 19:05
Eslatib o‘tamiz, avvalroq “Uzbekistan Airways” AJ 1-martdan boshlab mahalliy qatnovlarga onlayn ro‘yxatdan o‘tish xizmatini ishga tushirgani xabar qilingan edi.