TOShKENT, 26 fev - Sputnik. O‘zbekiston moliya vazirligi raqamli texnologiyalarni joriy etish borasda Rossiyaning Sberbanki bilan hamkorlik qiladi. Bu haqida vazirlik matbuot xizmati xabar qilmoqda.
Kecha 25-fevral kuni O‘zbekiston moliya vaziri Timur Ishmetov va Sberbank aisi o‘rinbosari Anatoliy Popovlar Toshkentda ikki tomonlma hamkorlik istiqbollarini muhokama qilishdi. Uchrashuvda Sberbank ekotizimi taqdim etildi va "Raqamli O‘zbekiston 2030" dasturi doirasida hamkorlik imkoniyatlari namoyish etildi.
PAO "Sberbank" vakillari O‘zbekiston muassasalari bilan hamkorlikni kengaytirishga, jumladan "Sber" ekotizimidan foydalanish mumkin bo‘lgan sohalarni o‘rganish borasida ham hamkorlik qilishga tayyor ekanliklarini bildirishdi, - deyilgan xabarda.
Eslatib o‘tamiz, biroz oldin O‘zbekiston hukumati "Sber" kompaniyalar guruhi tomonidan ishlab chiqilgan sun’iy ong tizimini tatbiq etishga tayyor ekanliklarini ma’lum qilishgan edi. Shavkat Mirziyoyev bir oy ichida pilot loyihalarni samarali amalga oshirish uchun iqtisodiy va ijtimoiy sohalarning taaluqli yo‘nalishlarini belgilash va mutaxassislarni o‘qitish vazifasini belgilab bergan edi.