TOShKENT, 25 fev - Sputnik. Favqulodda vaziyatlar vazirligi havo haroratining keskin pasayishi va kuchli qor yog‘ishi natijasida yo‘llarda muzlamalar hosil bo‘layotgani sabab Qamchiq dovoni yuk mashinalari uchun yopilganini ma’lum qildi.
24 Fevral 2021, 10:13
"Shamol kuchaygan, dovonda ayni payt havo harorati -12 gradusni tashkil etmoqda. Hozircha yengil avtomobillar harakatlanmoqda. Qor yog‘ishi kuchayib, yo‘llarda harakatlanish xavf tug‘dira boshlasa, Qamchiq to‘liq yopilishi ham mumkin", — deyiladi xabarda.
Vazirlik tomonidan e’lon qilingan videoda "Qamchiq" maxsus-qidiruv, yong‘in-qutqaruv boshqarmasi boshlig‘i fuqarolardan zarurat bo‘lmasa dovon orqali harakatlanmaslikni so‘ragan.
Avvalroq, O‘zgidromet mamlakatda 25-27 fevralda sovuq ob-havo kutilayotgani haqida ogohlantirgan edi.