TOShKENT, 25 fev - Sputnik. Amerikaning Oklaxoma shtatida yashovchi va uch kishining qotilligida gumonlanuvchi Lourens Pol Anderson o‘z qo‘shnisini o‘ldirib, taom tayyorlash maqsadida uning yuragini kesib olganligiga iqror bo‘ldi.
Bu haqda Oklahoman nashri shtat tergov burosiga tayanib xabar bermoqda.
Anderson qo‘shni ayolni uning uyida o‘ldirganlikla ayblanmoqda. Shuningdek, u o‘z amakisi va to‘rt yashar qizaloq o‘limida ham gumonlangan. Erkak pichoq bilan xolasiga ham hujum qilgan, ammo tan jarohatlariga qaramay, ayol tirik qolgan, deb yozadi nashr.
"U iblislarni ozodlikka chiqarish uchun qo‘shni ayol yuragi va kartoshka yordamida taom tayyorlagan", - deya iqtibos keltirgan Oklaxoma tergov burosi agenti so‘zlaridan nashr.
Nashr xabar berishicha, Lourens shartli ravishda hukm qilingani holda unga 2017-yilda narkotik iste’mol qilgani va qurol saqlagani uchun 20-yillik qamoq jazosi tayinlangan. O‘shanda hukm muddati 9-yilgacha qisqartirilgan, ammo Lourens oradan 3-yil o‘tib ozodlikka chiqqishga muvaffaq bo‘lgan.