TOShKENT, 22 fev — Sputnik. Deputatlar Ilhom Mahkamov nomzodini transport vaziri lavozimiga ma’qulladi. Bu haqda Oliy Majlis Qonunchilik palatasi matbuot xizmati xabar qildi.
22 fevral kuni deputatlar navbatdagi majlisda transport vaziri lavozimiga Ilhom Mahkamov nomzodini ko‘rib chiqdi va ma’qulladi.
2020 yil avgust oyida O‘zbekiston transport vaziri Elor G‘aniyev boshqa ishga o‘tishi munosabati bilan lavozimidan ozod etilgani haqidagi xabarlar paydo bo‘lgan edi.
Oktabr oyida esa Ilhom Mahkamovga transport vaziri vazifasini bajarish yuklatilgan edi. U lavozimga tayinlanguniga qadar transport vazirining birinchi o‘rinbosari bo‘lgan.