TOShKENT, 19 fev - Sputnik. Moskvada ishlayotgan ayrim amerikalik diplomatlar Rossiya hukumatiga "Sputnik V" vaksinasi bilan emlashni so‘rab murojaat qilishdi. Bu haqida Washington Postga asoslanib RIA Novosti xabar qilmoqda.
Xabarda aytilishiga ko‘ra, amerikada ishlab chiqarilgan vaksinalar barchaga davlatlardagi diplomatlar uchue yetarli bo‘lmayotgani sir emas. AQSh Davlat departamenti o‘z xizmatchilari uchun 315 ming doza vaksina buyurtma bergan bo‘lsa-da, lekin hozircha ularning faqat 4/1 qismini olgan.
Davlat Departamenti Rossiyadagi AQSh diplomatlariga rus vaksinasi bilan emlashni maslahat bermagan, lekin sog‘liqqa doir bo‘lgan ushbu masala bo‘yicha qaror qabul qilishni diplomatlarning o‘zlari ixtiyoriga qoldirishgan.
Eslatib o‘tamiz, Rossiyaning "Sputnik V" vaksinasi 3 bosqich sinovlari muvaffaqiyatli tugagani va u 91,4 % samardorlik namoyish etgani haqida xabarlar bir necha kun oldin paydo bo‘lgan edi. Bugungi kunda Rossiya vaksinasi dunyoning 30ta davlatida ro‘yxatdan o‘tgan va o‘ndan ortiq davlatlarda ommaviy ravishda qo‘llanilmoqda.