TOShKENT, 17 fev — Sputnik. Prezident Davlat bojxona qo‘mitasi raisining birinchi o‘rinbosari vazifasini bajaruvchini tayinladi. Bu haqda Adliya vazirligi xabar qilmoqda.
Davlat rahbarining tegishli qarori bilan Ilhom Muxtorov ushbu lavozimni egalladi.
Yangi lavozimga tayinlanguniga qadar Ilhom Muxtorov Davlat bojxona qo‘mitasi Kadrlar boshqarmasi boshlig‘i sifatida faoliyat yuritgan.
Davlat bojxona qo‘mitasi raisining birinchi o‘rinbosari lavozimida 2019-2020 yillarda Anvar Asamov mehnat qilgan. U 2020-yil noyabrida Investitsiyalar va tashqi savdo vaziri o‘rinbosarligiga o‘tkazilgandan so‘ng ushbu lavozim bo‘sh qolgan edi.