TOShKENT, 14 fev — Sputnik. Amerikalik tadbirkor, “Tesla” va “SpaceX” asoschisi Ilon Mask Rossiya prezidenti Vladimir Putinni “Clubhouse” ijtimoiy tarmog‘ida onlayn uchrashuv o‘tkazishga taklif qildi. O‘z taklifini tvitterdagi sahifasida yozib qoldirdi.
“Siz bilan suhbatlashish katta sharaf bo‘lgan bo‘lardi”, — deb yozdi Mask rus tilida va Rossiya prezidentining rasmiy sahifasini belgiladi.
Mask tviti qisqa fursat ichida bir necha o‘ng minglab “layk” to‘plagan. Kreml hozircha bunga munosabat bildirmagan.
“Clubhouse” 2020-yil aprelida ishga tushirilgan yopiq ijtimoiy tarmoq sanaladi. Unga ulanish uchun boshqa ishtirokchilardan taklif olish kerak. Muloqot virtual xonalarda ovoz yordamida amalga oshiriladi.