TOShKENT, 11 fev — Sputnik. Xitoy va Amerika Qo‘shma Shtatlarining qarama-qarshiligi ham har ikkila mamlakat, ham butun dunyo uchun falokatdir. Bu haqda Xitoy raisi Si Szinpin AQSh prezidenti Jo Bayden bilan telefon suhbati davomida ma’lum qildi.
“Xitoy-Amerika hamkorligi ham har ikkala mamlakat, ham butun dunyo uchun foyda keltiradigan ko‘plab muhim voqealarga olib kelishi mumkin”, - deya uning so‘zlaridan keltiradi Xitoy Markaziy televideniyesi.
“XXR va AQSh qarama-qarshilishi, shubhasiz, ham har ikkala mamlakat, ham butun dunyo uchun falokatdir”, - deya ta’kidlagan Si Szinpin.
Xitoy yetakchisi ayrim masalalar yuzasidan turli nuqtayi nazarlarga qaramasdan, tomonlar kelishmovchiliklarni o‘zaro hurmat asosida hal qilishlari lozimligini ta’kidlagan.