TOShKENT, 10 fev - Sputnik. Buyuk o‘zbek shoiri tavalludining 580-yiligi arafasida Sputnik Toshkent metrosining jng chiroyli bekatlaridan biri bo‘lgan "Alisher Navoiy" bekatidan videolavha tayyorladi.
Ushbu bekat 1984-yilning dekabr oyida ochilgan bo‘lib, u o‘zbek amaliy san’atining eng chiroyli namunalari bezatilgan.
Kirib kelishda esa, yo‘lovchilar ko‘z oldida o‘zbek an’anaviy naqshlaridan tuzilgan ulkan panno namoyon bo‘ladi. Bekat ichi esa marmar bilan qoplangan ustunlar va uch qator joylashgan qubbalardan iborat bo‘lib, ularning har biri takrorlanmas ornamentlar bilan bezatilgan. Devorlarida esa Alisher Navoiy asarlari asosida chizilgan minaturalar bilan bezatilgan.
Alisher Navoyi bekati 40-yildan buyon shahar aholisi va mehmonlarining eng sevimli bekatlaridan biri bo‘lib qolmoqda. Batafsil videolavhamizda tanishing.