TOShKENT, 10 fev — Sputnik. Florida osmonida ko‘rilgan noma’lum uchar jism AQSh harbiy-dengiz kuchlarining ballistik raketasi bo‘lib chiqdi, deb xabar berdi Fox News.
Ijtimoiy tarmoqlar kometaga o‘xshash g‘ayrioddiy nurli narsani aks etgan lavhalar bilan to‘ldi. Bu, ayniqsa, okean ustidagi kechki osmonda juda ta’sirli ko‘rindi.
“Kometa” Amerikaning suvosti kemasidan muntazam sinovlarda otiladigan Trident II ballistik raketasi bo‘lib chiqdi.
Trident II raketasi 11,3 ming kilometrga qadar etib boradi va yadro jangovar zaradni tashiy oladi. Hozir AQSh dengiz kuchlari bilan xizmatda qolgan yagona suvosti ballistik raketa hisoblanadi.