TOShKENT, 8 fev — Sputnik. Toshkent shahrining Yashnobod tumanida teplovoz va “Cobalt” avtomobili ishtirokida yo‘l-transport hodisasi ro‘y berdi. Bu haqda poytaxt IIBB xabar qilmoqda.
YTH 8-fevral kuni taxminan soat 12:30 da Oxangaron ko‘chasida sodir bo‘lgan. Yuk tashuvchi teplovoz mashinisti 32 yoshli O.A. belgilangan yo‘nalish bo‘yicha harakatlanib borgan. Uning yo‘liga 58 yoshli Qozog‘iston fuqarosi B.A. boshqaruvidagi “Cobalt” avtomobili chiqqan.
To‘qnashuv oqibatida hech kim jabrlanmagan.
Hozirda YTH sabablariga aniqlik kiritilmoqda.