TOShKENT, 6 fev — Sputnik. N.F. Gamaleya nomidagi epidemiologiya va mikrobiologiya milliy tadqiqot markazi rahbari Aleksandr Ginsburg "Sputnik V" vaksinasi 2021-yilning iyul oyida bolalarda tadqiq qilinishni boshlashiga umid bildirdi.
"Agar hammasi yaxshi bo‘lsa, u holda, umid qilamanki, joriy yil iyun oyidan biz vaksina preparatini aholining bolalar qismida tadqiq qilishga kirishamiz", — degan Ginsburg "Rossiya 1" telekanali efirida.
Gamaleya nomidagi markaz tomonidan Rossiya to‘g‘ridan-to‘g‘ri investitsiyalar fondi ko‘magida ishlab chiqarilgan "Sputnik V" vaksinasi koronavirusga qarshi ro‘yxatga olingan birinchi vaksinadir: RF Sog‘liqni saqlash vazirligi 2020-yilning avgustida bu jarayonni amalga oshirgan.
Obro‘li tibbiyot jurnal hisoblangan The Lancet bir necha kun avval "Sputnik V" uchinchi faza tadqiqotlari natijalarini e’lon qildi. Preparat yuqori samaradorlik, immunogenlik, xavfsizlik natijadorlikni namoyish etdi.
Bugungi kunda "Sputnik V" vaksinasi 16ta mamlakatda ro‘yxatdan o‘tkazilgan: Belarus, Vengriya, Argentina, Venesuela, Armaniston, Turkmaniston, BAA, Eron shular jumlasidan.
O‘tgan yilning dekabr oyida O‘zbekistonga klinik tadqiqotlar uchun 100 doza "Sputnik V" yetkazib berilgan edi.
Mamlakat o‘z hududida preparat lokalizatsiyasi imkoniyatini ko‘rib chiqmoqda.
RF bosh vaziri Mixail Mishustin yaqinda o‘zbekistonlik hamkasbi Abdulla Aripov bilan uchrashuvda Rossiya O‘zbekiston bilan vaksina yetkazib berish borasida hamkorlik qilishdan umidvorligini qayd etgan edi.