TOShKENT, 5 fev - Sputnik. Toshkent viloyatida Bosh prokuraturaning sobiq xodimi bilan bog‘liq jinoiy ish bo‘yicha tergov harakatlari olib borilmoqda.
Erkak murdasi 8-avgust kuni Qibray tumanida sayohat jamadonida qotillik alomatlari bilan topilgan.
Jomadon streych-lenta bilan obdon o‘ralgan bo‘lgan.
Murda shaxsiga aniqlik kiritilgan. U Yakkasaroy tumanida yashagan 52 yoshli Ochilov Sh.X. ekanligi aytilmoqda. Erkak avval Oliy sudning xo‘jalik bo‘limida faoliyat yuritgan.
Mazkur holat yuzasidan Jinoyat kodeksining 97-moddasi (Qasddan odam o‘ldirish) bilan jinoyat ishi qo‘zg‘atilgan.
Tergov davomida 2 nafar shaxsga nisbatan JKning 97, 169, 227 va 241-moddalari bilan ayb e’lon qilinib, ularga "qamoqqa olish" tarzidagi ehtiyot chorasi qo‘llanilgan.
Tergov harakatlari davom etmoqda.