TOShKENT, 5 fev — Sputnik. Rossiya O‘zbekiston bilan vaksinalar borasida hamkorlik qilishdan umidvor, dedi Rossiya bosh vaziri Mixail Mishustin YeOII hukumat rahbarlarining Olma-Otada bo‘lib o‘tgan uchrashuvida.
O‘zbekiston bosh vaziri Abdulla Arpov bilan bo‘lib o‘tgan uchrashuv doirasida Mixail Mishustin Rossiya va O‘zbekiston epidemiologik vaziyatni yengib o‘tish borasida hamkorlik qilayotganini xabar qildi. Bosh vazir so‘zlariga ko‘ra, vaziyat “murakkabligicha” qolmoqda va vaziyatdan chiqishning yagona yo‘li – aholini ommaviy vaksinatsiya qilish bo‘lishi mumkin.
“Vaziyatdan chiqishning ishonchli yo‘li – aholini samarali va xavfsiz vaksina bilan ommaviy vaksinatsiya qilish bo‘ladi. Bu borada Rossiya O‘zbekiston bilan hamkorlik qilmoqda. Vaksinalar borasida ham biz O‘zbekistonda hamkor topishga umid qilmoqdamiz”, - dedi Rossiya bosh vaziri.
Eslatib o‘tamiz, 2020-yilning sentabr oyida O‘zbekistonning Laxicam kompaniyasi 35 millon doza Rossining "Sputnik V" vaksinasini sotib olish bo‘yicha shartnoma imzolagan edi. Vaksinani O‘zbekiston Sog‘liqni saqlash vazirligida ro‘yxatdan o‘tganidan so‘ng olib kelish mumkin bo‘ladi.
2020 yilning dekabr oyida O‘zbekistonga sinovlar o‘tkazish uchun Rossiya vaksinasining 100ta dozasi yetkazib berilgan edi. Keyinroq O‘zbekiston ushbu preparatni o‘z hududida ishlab chiqarish imkoniyatni ham ko‘rib chiqqan edi.
Ma’lumot uchun, bir necha kun oldn nufuzli The Lancet jurnali "Sputnik V"vaksinasining 3 bosqich sinovlari yakunlanganini xabar qildi. undan 20 mingdan ortiq ko‘ngilli ishtirok etgan. Vaksina 91,6 % samaradorlik ko‘rsatgan va biror salbiy oqibati aniqlanmagan.
Bugungi kunda "Sputnik V" vaksinasi dunyoning 16 dan ortiq mamlakatlarida ro‘yxatdan o‘tkazilgan va ommaviy vaksinatsiya uchun qo‘llanilmoqda. Ular orasida Belarus, Serbiya, Argentina, Venesuela, Turkmaniston, Vengriya, BAA, Eron, Armaniston va boshqalar. Rossiyada emlanganlar soni aholining 2 % idan oshgan (>3 mln).