TOShKENT, 5 fev — Sputnik. Qirg‘iziston bosh vaziri Ulukbek Maripov YeOII yig‘ilishida chegaralarni ochishni taklif qildi.
"Hozirgi vaqtda korxonalarni zarur miqdordagi ishchilar bilan ta’minlash, migrantlarni o‘z ish joylariga qaytarish uchun cheklovni bosqichma-bosqich olib tashlash va mamlakatlarimiz o‘rtasida parvozlar sonini ko‘paytirish masalasi dolzarb bo‘lib turibdi", - dedi u.
Maripov o‘z nutqida koronavirus pandemiyasi tufayli mehnat migrantlari noqulay vaziyatga tushib qoldi, deb ta’kidladi.
Shuningdek, Qirg‘iziston vakili hamkasblarini uyushma doirasida faol ish olib borishga tayyorligiga ishontirdi.
Shuningdek, YeOII doirasida va uchinchi davlatlar bilan iqtisodiy hamkorlik sohasida o‘zaro aloqalarni kengaytirish mavzusiga to‘xtalib o‘tdi.
"Aynan shu yo‘nalishni amalga oshirish - ittifoqning yirik Yevroosiyo sherikchilik markazi sifatida barcha imkoniyatlarini ochib beradi, deb hisoblaymiz", - dedi Maripov.
Qozog‘iston megapolisida bo‘lib o‘tayotgan YeOII hukumat rahbarlarining yig‘ilishi bu yilgi birinchi uchrashuvdir. Unda Armaniston, Belarus, Qozog‘iston, Qirg‘iziston, Rossiya bosh vazirlari, shuningdek kuzatuvchi davlat - O‘zbekiston ham ishtirok etmoqda.