TOShKENT, 2 fev — Sputnik. Kollektiv xavfsizlik shartnomasi tashkiloti tojik-afg‘on chegarasini mustahkamlash bo‘yicha qo‘shimcha chora-tadbirlarni amalga oshirishni rejalashtirmoqda, dedi KXShT bosh kotibi Stanislav Zas.
"Hozir tojik-afg‘on chegarasini mustahkamlash bo‘yicha maqsadli davlatlararo dasturni ishlab chiqmoqdamiz. Ushbu muammo doim tashkilot kun tartibida turadi. Ham siyosiy, ham harbiy jihatdan, hamda boshqa sohalarda", - dedi Zas.
KXShT Bosh kotibi tashkilotning Tojikiston va Afg‘oniston chegaralari yaqinida mashqlarni muntazam ravishda o‘tkazib turishiga e’tibor qaratdi. Uning so‘zlariga ko‘ra, bu KXShT qo‘shma kuchlarining mumkin bo‘lgan tahdidlarni qaytarishga tayyorligini oshirish uchun qilinmoqda.
"Bu yil biz Tojikiston hududida tezkor reaksiya kuchlari bilan bir qatorda chegara mojarosida qatnashish mavzusida bir qator (manevrlar - tahr.) o‘tkazmoqchimiz", - deb qo‘shimcha qildi u.
Zas “Afg‘onistonni mintaqaviy xavfsizlikka tahdid soluvchi jiddiy manba” deb aytdi.
"Afg‘oniston jiddiy terrorchilik tahdidi manbai bo‘lib qolmoqda. O‘tgan yilning ikkinchi yarmida u yerda 50 dan ortiq terroristik harakatlar sodir etildi, 4 minga yaqin kishi jarohat oldi", - deb xulosa qildi bosh kotib.