TOShKENT, 2 fev — Sputnik. Olimlar koronavirus infeksiyasi erkaklarda jiddiy oqibatlarni ma’lum qilishdi. Tadqiqot Reproduction jurnalida chop etildi.
Sinovlardan so‘ng, mutaxassislar koronavirus erkaklarda sperma sifati va unumdorligini sezilarli darajada pasaytirayotganini aniqladilar.
Tadqiqotda ishtirok etish uchun 189 nafar ko‘ngilli jalb qilindi, ulardan 84 nafari COVID-19 bilan kasal bo‘lib tuzalgan. Ularda infeksiya alomatlarsiz ham, og‘ir shaklda ham bo‘lgan. Barcha ishtirokchilarning o‘rtacha yoshi - 30. Ular tana vazni va organizmda yog‘ foizida sezilarli darajada farq qildi.
Olimlar 60 kun davomida spermani 10 kunlik oraliqda tekshirdilar. Koronavirusni boshdan kechirgan kishilarning tahlillarida yallig‘lanish va oksidlanish jarayonlari aniqlandi. Bundan tashqari, infeksiya spermatozoidlarning harakatlanishi va shakliga salbiy ta’sir ko‘rsatdi.
Mutaxassislarning fikriga ko‘ra, koronavirusning og‘ir shaklini boshidan kechirgan kishilarda oqibatlari yanada jiddiyroq bo‘lgan.
Olimlar kasallikdan bunday ta’sir vaqt o‘tishi bilan kamayishi mumkinligini ta’kidladilar.
O‘z navbatida, Britaniyaning CARE Fertility Group embriologiya bo‘yicha direktori Elison Kempbell erkaklarni bezovta qilmaslikni so‘radi. Uning so‘zlariga ko‘ra, hozircha "COVID-19 sperma yoki bepushlikka uzoq muddat zarar yetkazishi to‘g‘risida aniq dalillar yo‘q" dedi.