TOShKENT, 27 yanv — Sputnik. Tojikiston Favqulodda vaziyatlar qo‘mitasi aholini qattiq sovuq bo‘lishi haqida ogohlantirdi, deb xabar qildi Sputnik Tojikiston.
Tojikiston meteorologiya agentligining xabar berishicha, respublikaning tog‘li va tog‘ oldi hududlarida 29-yanvarga qadar sovuq ob-havo bo‘lishi kutilmoqda.
Kechasi ba’zi tumanlarda termometr minus 16-21 darajagacha tushadi, TBAOning sharqiy qismida 36-41 daraja sovuq bo‘lishi kutilmoqda. Pomirning sharqiy qismida - Bulunkulda harorat 51-53 darajagacha pasayadi.
Favqulodda vaziyatlar qo‘mitasi fuqarolarga xavfsizlik choralariga rioya qilish zarurligi haqida eslatdi.
Avvalroq, yanvar boshida Tojikistonga minus 40 darajadagi Sibir sovug‘i kelishi haqida xabar bergandik.