TOShKENT, 23 yanv - Sputnik. Afrosiyob" tezurar poyezdiga tosh otgan bezori aniqlandi, deb xabar bermoqda IIV Transportda xavfsizlikni ta’minlash bosh boshqarmasi.
Xabarda aytilishicha, 18-yanvar kuni soat 16:48da "Ziyovuddin-Zirabuloq" temir yo‘l bekatlari oralig‘i 3819 km.da, "Buxoro-Toshkent" yo‘nalishidagi "Afrosiyob" yuqori tezurar yo‘lovchi poyezdi yo‘nalishi bo‘ylab o‘ng tomondan 5-vagon 1-oynasiga noma’lum shaxs tomonidan tosh otib sindirilgani aniqlangan.
Shu yilning 20-yanvar kuni Samarqand viloyati IIB TXTB xodimlari tomonidan olib borilgan surishtiruv ishlari davomida, ushbu shaxs 2001-yilda tug‘ilgan, Samarqand viloyati, Narpay tumanida yashovchi U. X. ekanligi ma’lum bo‘ldi.
Holat yuzasidan tergovga qadar surishtiruv ishlari davom etmoqda.