TOShKENT, 17 yanv — Sputnik. Rossiya 27-yanvardan Vyetnam, Hindiston, Finlyandiya va Qatar bilan muntazam aviaqatnovlarni tiklaydi. Bu haqda mamlakatning koronavirus infeksiyasiga qarshi kurashish tezkor shtabi xabar qildi.
Ushbu mamlakatlarga xalqaro reyslar haftasiga bir necha marta amalga oshiriladi.
“O‘tkazilgan muhokama yakuniga va alohida davlatlardagi epidemiologik vaziyatni inobatga olgan holda 27-yanvardan quyidagi davlatlar bilan aviaparvozlarni tiklash to‘g‘risida qaror qabul qilindi: Vyetnam (Moskva – Xanoy, haftada ikki marta), Hindiston (Moskva – Dehli, haftada ikki marta), Finlyandiya (Moskva – Xelsinki, haftada ikki marta, Sankt-Peterburg – Xelsinki, haftada ikki marta), Qatar (Moskva – Doha, haftada uch marta)”, deyiladi xabarda.
Bundan tashqari, Misrga parvozlar soni haftasiga besh martagacha ko‘paytiriladi.