TOShKENT, 17 yanv — Sputnik. Buxoro viloyati Buxoro tumanida “Isuzu” rusumli avtobusda yong‘in sodir bo‘ldi.
IIV YHXBB axborot xizmati xabariga ko‘ra, hodisa tumanda joylashgan “Jondor” avtoturargohining oxirgi bekatida ro‘y bergan. Avtobus 76-yo‘nalishda harakatlanuvchi 59 yoshli haydovchi Z.O. boshqaruvida bo‘lgan.
Yong‘in natijasida tan jarohati olganlar yo‘q. Yong‘in o‘t o‘chiruvchilar tomonidan bartaraf etilgan. Avtobusning ayrim qismlari yong‘indan zararlangan.
Mazkur hodisa yuzasidan surishtiruv ishlari olib borilib, yong‘in sodir bo‘lish sabablariga aniqlik kiritilmoqda.