TOShKENT, 14 yanv — Sputnik. "Yuventus"ning sport direktori Fabio Paratichi klubning Eldor Shomurodovga bo‘lgan qiziqish haqidagi xabarlar yuzasidan izoh berdi.
Football Italia xabariga ko‘ra, Italiya grandining hozircha o‘zbek forvardi yordamida kuchaytirishga ehtiyoji yo‘q.
"Agar Shomurodov haqida gapiradigan bo‘lsak, men allaqachon jamoamiz raqobatbardosh ekanligini aytgan edim. Agar bozorda istiqbolli imkoniyatlar paydo bo‘lsa - biz ulardan foydalanamiz. Hozir shoshilmaslik kerak", - dedi Paratichi.
O‘tgan haftada OAVlarda Turinning "Yuventus" klubi ilgari "Rostov"da to‘p surgan "Jenoa" hujumchisi Eldor Shamurodovni ijaraga olmoqchi ekanligi haqida xabarlar tarqalgandi.
Shomurodov oktabr oyida Rossiyaning "Rostov" klubidan "Jenoa" klubiga o‘tgandi. U yangi jamoada 11ta o‘yin o‘tkazib, 2ta gol urdi va 2ta golli uzatma amalga oshirdi.