Dekabr oyi boshida O‘zbekiston Yevroosiyo iqtisodiy ittifoqida kuzatuvchi-davlat maqomini oldi. Ushbu o‘tish davri respublikaga keyingi integratsiya bo‘yicha o‘z pozitsiyasini aniqlashga va ijobiy qaror qabul qilingan taqdirda bunga tayyorgarlik ko‘rishga imkon beradi.
Iqtisodiyot fanlari doktori, RF Qishloq xo‘jaligi va oziq-ovqat vazirining sobiq o‘rinbosari Leonid Xolod YeOIIga qo‘shilgan taqdirda O‘zbekiston qanday ishlarni amalga oshirishi kerakligi haqida gapirar ekan, respublika ko‘plab normativ va standartlarni tartibga keltirish kerakligini ta’kidladi.
"Ko‘pgina ichki hujjatlarni qabul qilish yoki o‘zgartirish kerak bo‘ladi, chunki YeOIIga qo‘shilish u yoki bu tarzda, o‘tish davrini hisobga olgan holda, savdoni tartibga solish choralarini uyg‘unlashtirishni talab qiladi va hokazo", - dedi Xolod.
Ekspertning fikriga ko‘ra, respublikaning dolzarb vazifasi - o‘z mahsulotlarini YeOII bozoriga kiritish sharoitlarini yaxshilash.
"O‘zbekiston tog‘-kon sanoati va to‘qimachilik sanoatida kuchli, bundan tashqari, qishloq xo‘jaligi mahsulotlarining juda keng assortimentiga ega. Meva va sabzavotlar juda sifatli, bozorda talabga javob beradi, istiqbollar juda yaxshi", - dedi Leonid Xolod.