TOShKENT, 29 dek — Sputnik. Toshkent viloyati, Bo‘stonliq tumani, Chimon MFYda “Seven Tree” dam olish maskani ochildi. Bu haqda Turizmni rivojlantirish qo‘mitasi xabar qildi.
“Seven Tree” loyihasining umumiy qiymati 27 milliard so‘m bo‘lib, uning faoliyati yo‘lga qo‘yilishi natijasida 150 yangi ish o‘rni yaratildi. Ushbu maskan qisqa muddatda barpo etilib, Toshkent viloyatidagi yirik turistik majmualari qatoriga kiradi hamda mahalliy va xorijiy sayyohlar oqimini oshirishga xizmat qiladi”, - dedi Bo‘stonliq tumani hokimi Jo‘rabek Ahmedov.
O‘ziga xos uslubda yaratilgan yangi obyekt hududida 10 ta o‘tov, 14 uycha, basseyn, turk saunasi, bilyard va tennis zali hamda 100 o‘rinli kafe mavjud.