TOShKENT, 28 dek — Sputnik. Pandemiyaga qaramay joriy yilning dekabr oyida 7,5 mingdan ortiq O‘zbekiston fuqarolari Rossiyaga ishga jo‘natildi. Bu haqda Sputnik muxbiri xabar qilmoqda.
Bandlik va mehnat munosabatlari Nozim Husanovning ma’lum qilishicha, Rossiyada 1,6 milliondan ortiq mamlakat fuqarolari doimiy ravishda mehnat qilmoqda.
Oxirgi bizning ma’lumotlarimizga qaraganda, pandemiya vaqtida 430 mingga yaqin fuqarolarimiz qaytib kelgan. Hozir Rossiyaga borish istagida bo‘lgan bor. Chunki u yerda ishchi kuchiga talab katta. Pandemiya sharoitida Rossiya tezkor shtabining ruxsatini olib, dekabr oyining o‘zida 7,5 mingdan ortiq fuqarolarimizni rasmiy tarzda ish joylariga borishini amalga oshirdik. Bu jarayonni ko‘paytiramiz deb o‘ylaymiz”, - dedi vazir.
Husanovning ta’kidlashicha, Rossiya Ichki ishlar vazirligi huzuridagi "Pasport-viza xizmati" Federal davlat unitar korxonasi hamda Moskva shahridagi "Ko‘p tarmoqli migratsiya markazi" Davlat budjet muassasasi o‘rtasida hamkorlik to‘g‘risida kelishuvlari imzolangan. "Pasport-viza xizmati" filialini kelgusi yil boshida ochish rejalashtirilmoqda
Bundan ko‘zlangan maqsad Rossiya hududida ishlash istagida bo‘lgan O‘zbekiston fuqarolarini tashkillashtirilgan holda chiqish jarayonlarini soddalashtirishdan iborat.