TOShKENT, 21 dek — Sputnik. 21-dekabr kuni kechqurun Yer aholisi kamdan kam uchraydigan noyob samoviy hodisa - Yupiter va Saturn yaqin kelishini ko‘rishlari mumkin - bu sayyoralar oxirgi marta 794-yil oldin bunday yaqinlashuv yuz bergan, deb xabar qildi Moskva Planetarium.
Sayyoralar ikkitali yulduzga o‘xshab ko‘rinadi. Bu 21-dekabr - yilning eng uzun tunida ro‘y berishi ham nooddiy holat, shuning uchun bu hodisa "Quyosh turishi yulduzi" deb nomlanadi.
Astronomlar bu hodisani kuzatishni quyosh botganidan bir soat o‘tgandan keyin boshlashni maslahat berishadi. Ufqning janubi-g‘arbiy qismiga qarash kerak. Ushbu hodisani dekabr oyi davomida kuzatish mumkin, ammo bugun eng yuqori cho‘qqisi bo‘ladi. Har kuni sayyoralar orasidagi burchak masofasi kamayadi, 21-dekabrdan keyin esa u ko‘payishni boshlaydi.
Hodisa ko‘z bilan ko‘rish mumkin, lekin durbin yoki teleskop bilan qiziqroq bo‘ladi, ikkala sayyora ko‘rinadi. Bulutli ob-havo kuzatuvlarga xalaqit berishi mumkin.
Keyingi safar Yupiter va Saturnning bunday yaqin kelishi 2080-yil 15-martda sodir bo‘ladi. Ikki sayyoraning yaqin kelishi o‘rtacha har 19,6 yilda sodir bo‘ladi, ammo bunday kichik burchak masofasida noyob astronomik hodisa hisoblanadi.