TOShKENT, 14 dek — Sputnik. Joriy yilning 13-dekabr kuni soat 19:00dan 14-dekabr kuni soat 9:00ga jami 13 ta turli rusumdagi avtomobillar yo‘l-transport hodisasiga uchradi. Bu haqda FVV xabar qilmoqda.
A-373 “Toshkent-O‘sh” avtomobil yo‘lining 258-, 259- va 265-km hududlarida muzlamalar YTHga sabab bo‘lgan.
Voqea joyiga FVV “Qamchiq” maxsus qidiruv, yong‘in-qutqaruv boshqarmasi va boshqa tegishli tashkilot xodimlari zudlik bilan yetib borib, YTH oqibatlarini bartaraf etgan.
Yuzaga kelgan vaziyatlar oqibatida tan jarohati olgan va halok bo‘lganlar yo‘q.
YHXBB tuman sabab haydovchilarga ogohlantirish bilan chiqdi
Vazirlik YTH bilan bog‘liq favqulodda vaziyatlarning oldini olish maqsadida dovon hududida harakatlanishda haydovchilardan barcha xavfsizlik choralarini ko‘rish va hushorlikni yo‘qotmaslikni so‘ragan.