Vengriyaga Rossiyaning koronavirusga qarshi "Sputnik V" vaksinasi yetkazib berildi. Vengriya RFdan COVID-19ga qarshi tibbiy preparatni olgan Yevropa Ittifoqidagi birinchi mamlakat bo‘ldi.
Dunyoda birinchi bo‘lib ro‘yxatdan o‘tkazilgan vaksinaning namunalari Budapeshtga 19-noyabrda yetkazib berildi. Tez orada venger mutaxassislari preparatning qator laborator va klinik tadqiqotlarini o‘tkazishni rejalashtirishmoqda.
Tadqiqotlardan so‘ng preparatdan foydalanish va litsenziyalash borasida qaror qabul qilinadi.
"Sputnik V" — koronavirus infeksiyasiga qarshi dunyoda birinchi bo‘lib ro‘yxatdan o‘tkazilgan vaksinadir. Uni Rossiyaning Gamaleya nomidagi markazida ishlab chiqishgan.
Kompleks ekspertiza qachon boshlanishi haqida bizning videoda tomosha qiling.