TOShKENT, 2 noya — Sputnik. Jahon sog‘liqni saqlash tashkiloti (JSST) bosh direktori Tedros Adxanom Gebreyesus koronavirus bilan kasallangan kishi bilan muloqotda bo‘lgani sabab o‘zini o‘zi yakkalash tartibiga rioya qilishini ma’lum qildi. Bu haqda u Twitter᾽da yozdi.
Gebreyesusning so‘zlariga ko‘ra, u o‘zini yaxshi his qilmoqda va unda kasallikning hech qanday alomati yo‘q.
“JSST bayonnomalariga muvofiq, bir necha kun o‘zimni yakkalayman va uydan turib ishlayman”, - deya ma’lum qildi tashkilot rahbari.
Shuningdek, u koronavirus tarqalishiga qarshi kurashish talablarini qat’iy bajarish zarurligini ta’kidladi.
“Aynan shunday biz COVID-19 yuqishi zanjirini uzamiz”, - dedi u.
Koronavirus pandemiya boshlangandan buyon dunyoda 46 milliondan ziyod kishi kasallandi. 1,18 milliondan ziyod kishi vafot etdi.