TOShKENT, 31 okt - Sputnik. Jeyms Bond roli bilan butun dunyoga mashhur bo‘lgan britaniyalik aktor Shon Konneri 90 yoshida olamdan o‘tdi, deb xabar qildi Independent nashri.
Britaniyalik aktor va produser ser Shon Konneri 1930-yilning 25-avgustida Shotlandiyaning Edinburg shahrida dunyoga kelgan. Konneri 70dan ziyod kartinalarda suratga tushgan, ammo u eng avvalo "bondiana"dagi rollari tufayli mashhurlikka erishgan edi.
Konneri - "Oskar" mukofoti laureati, ikki karra BAFTA mukofoti sovrindori, uch marta "Oltin globus"ni qo‘lga kiritgan.