TOShKENT, 19 okt — Sputnik. Rossiyalik sportchi va UFC chempioni Habib Nurmagomedovning amakivachchasi Umar Nurmagomedov Dubayda shoshilinch ravishda shifoxonaga yotqizildi.
Ta’kidlanishicha, u gripp alomatlari bilan shifoxonaga olib kelindi.
Habib Nurmagomedovning so‘zlariga ko‘ra, Umar bir necha kun avval o‘zini yomon his qilishni boshladi. Shifokorlar sportchiga stafilokokk infeksiyasi tashxisini qo‘yishdi.
Umar Nurmagomedovning kasal bo‘lib qolgani tufayli UFC 254 turniri doirasida qozog‘istonlik jangchi Sergey Morozovga qarshi jangi bekor qilindi.