TOShKENT, 28 sen – Sputnik. Tan olinmagan Tog‘li Qorabog‘ respublikasi hukumati yana 15 nafar harbiylar qurbon bo‘lganini xabar qildi. Bir kun oldin ular 16 nafar askar qurbon bo‘lganini ma’lum qilishgan edi. RIA Novosti xabariga asosan.
"28 sentabr kuni janglar vaqtida yana 15 nafar askar qurbon bo‘ldi", - deyilgan Tog‘li Qorabog‘ Mudofaa vazirligi xabarida. Vazirlik, shuningdek, qurbon bo‘lgan askarlar ismi sharifini keltirib o‘tgan.
Yakshanba kuni ertalab Ozarbayjon Mudofaa vazirligi Armaniston harbiylari tomonidan Qorabog‘ chegara yaqinidagi aholi punktlari o‘qqa tutilganini xabar qilgan edi. Armaniston xabariga ko‘ra, Ozarbayjon Qorabog‘ respublikasiga havo va raketa hujumi uyushtirgan. Jumladan, tog‘li respublikaning poytaxti - Stepanakert ham o‘qqa tutilgan. Qorabog‘ va Armanistonda harbiy vaziyat kiritib, mobilizatsiya e’lon qilingan.
Eslatib o‘tamiz, Qorabog‘dagi dastlabki harbiy to‘qnashuvlar 1988-yilda boshlangan edi. O‘shanda Ozarbayjon tarkibiga kiruvchi Tog‘li-Qorabog‘ avtonom viloyati Respublika tarkibidan chiqishini e’lon qilgan edi. 1992 - 1994-yillarda bo‘lib o‘tgan jangovor to‘qnashuvlardan so‘ng Ozarbayjon Qorabog‘ va uning atrofidagi 7ta tuman ustidan nazoratni yo‘qotgan edi. Shu vaqtdan beri ushbu hududda tinchlik o‘rnatish muzokaralari olib borilmoqda. Ozarbayjon o‘z hududdiy yaxlitligini saqlab qolishni, Armaniston esa Tog‘li Qorabog‘ni himoya qilishni istaydi.