TOShKENT, 16 sen — Sputnik. Davlat statistika qo‘mitasi ma’lumotlariga ko‘ra, 1-sentabr holatiga O‘zbekiston qiymati 9,7 million dollarga teng bo‘lgan 40,8 ming tonna tarvuz eksport qilgan.
Respublikada pishgan tarvuzlar 12 ta xorijiy davlatlar bozorlariga yetkazib berilgan. Mazkur davlatlar orasida Qozog‘iston (26,8), Rossiya Federatsiyasi (11,2) va Qirg‘iz Respublikasi 2,3 ming tonna ko‘rsatkich bilan yuqori ulushga ega.
Eksport qilingan mazkur tarvuz mahsulotining eng ko‘p ulushi Qashqadaryo (7,2 ming tonna), Toshkent (5,3 ming tonna), Jizzax (5,1 ming tonna), Sirdaryo (4,6 ming tonna) va Xorazm (4,6 ming tonna ) viloyatlari hissasiga to‘g‘ri keldi.