TOShKENT, 4 sen - Sputnik. Rossiyaliklarning aksariyati - 80%dan ortig‘i - o‘zini vatanparvar, deb hisoblaydi. "Jamoatchilik fikri" fondi tomonidan o‘tkazilgan so‘rov natijalari shuni ko‘rsatmoqda.
Fond ma’lumotlariga ko‘ra, respondentlarning 82%i o‘zini patriotlar safiga qo‘shadi, so‘rovda ishtirok etganlarning 14%i o‘zini bunday hisoblamasligini ma’lum qilgan.
Xususan, 69% rossiyaliklar o‘z ona vatani tarixini bilmaydigan odam vatanparvar bo‘lolmaydi, deya ta’kidlashmoqda. Shu bilan bir vaqtning o‘zida so‘rov ishtirokchilarining 26%i aksincha hisoblaydi. Bundan tashqari, 71% respondentlar armiya xizmatidan qochgan odam vatanparvar bo‘lolmaydi, deya o‘ylaydi, 23 foiz respondentlar esa boshqacha fikrda.
Umumrossiya telefon so‘rovi 18 yosh va undan katta bo‘lgan RF fuqarolari orasida 31-iyul sanasidan 2-avgust sanasiga qadar o‘tkazilgan. So‘rovda 1000 nafar respondentlar ishtirok etgan. Xatolik 3,8%dan oshmaydi.