TOShKENT, 1 sen — Sputnik. AQSh prezidenti Donald Tramp uning raqibi Jo Bayden prezident etib saylansa, AQShni “inqilob” kutishi mumkinligini ma’lum qildi.
“Bayden saylansa, ular (radikal so‘l kuchlar) hokimiyatni qo‘lga oladi. U zaif inson. Uni qo‘g‘irchoq singari nazorat qilishadi... bu inqolob”, - dedi u Fox News telekanaliga bergan intervyusida.
“U zaif inson va butun umr shunday bo‘lgan... U prezidentlikka da’vogarlik qilmasligi kerak”, - deya fikr bildirgan Tramp Bayden haqida.
Boshlovchining Baydenni kim nazorat qilayotgani haqida savoliga Tramp aniq javob berishdan bosh tortgan.
Noyabrda rejalashtirilgan saylovlarda prezident lavozimi uchun amaldagi prezident Donald Tramp va sobiq vitse-prezident Jo Bayden da’vogarlik qilmoqda.