ArMI-2020: o‘zbek harbiylari Moskvaga yetib keldi

TOShKENT, 10 avg — Sputnik. O‘zbekiston Mudofaa vazirligi harbiylari “Xalqaro armiya o‘yinlari – 2020”da ishtirok etish uchun Moskva shahriga yetib keldi. Bu haqda vazirlik matbuot xizmati xabar qilmoqda.

Ta’kidlanishicha, mudofaa vaziri general-mayor Bahodir Qurbonov har bir jamoa bilan alohida suhbatlashgan va yo‘l-yo‘riqlar ko‘rsatgan. Shuningdek, vazir harbiylarga omad tilagan.

Harbiy xizmatchilar Moskva shahriga yetib kelgan va belgilangan hududlarga taqsimlangan.

Eslatib o‘tamiz, avvalroq o‘zbekistonlik harbiy xizmatchilar 23-avgustdan 5-sentabrga qadar bo‘lib o‘tadigan Xalqaro armiya o‘yinlarida ishtirok etishi xabar qilingan edi. ArMI-2020 da ular Rossiya hududida bo‘lib o‘tadigan 12 ta musobaqalarda ishtirok etishadi.